MENGER-EN ESPONJA

Objektu fraktalak zer diren ulertzeko Building with blocks programa erabili daiteke Menger-en esponjaren 2 iterazio eraikitzeko.

1.- 9x9 kubo bat osatu  

2.- Aurpegi bakoitzean zentroan 3x3 kuboa ezabatu, baita kubo zentrala.

3- Guztira 20 3x3 kubo ditugu, errepikatu 2. pausua horietako bakoitzean.

4.- Prozesu hau infinitu aldiz errrepikatuz lortzen da Menger-ren esponja

 

PIPAK

Zeinek dio matematika aspergarria denik?   On egin!

THEANO

Theano, (K.a. VI. mendea)  

Zenbakia, unibertsoaren esentzia  Theano, matematikaren historian ezagutzen diren emakumeetatik lehenengoetakoa da. Antzinako Grezian bizi izan zen, K.a. VI mendean. Bere senar Pitagorasen itzala da, dudarik gabe, Theano guztiz ezezaguna izatearen arrazoia . Eskola Pitagorikoan ikasle aurreratuenetakoa izanagatik Pitagoras hiltzean eskolaren kargu egin zen bere alabekin batera. Pitagorasen dotrina zabaltzeaz gain, matematika, fisika eta medikuntzaren inguruko lan ugari egin zituen. Matematika alorrean aipatzekoa da urrezko proportzioaren inguruko bere lana. Beheko dokumentuan detailez azaltzen da nola emakume eta gizonek elkarlanean jarduten zuten eta jardun horien emaitza oparoak.

THEANO eta urrezko zenbakia 

MATEMATIKA 2.0

Hurrengo bideoa ikusita teknologia berrien aurreko batzuen bildurrak ulertu ahal izango dituzue.  "Del papiro al libro" ezagunaren euskarako bertsioa da, Oñatiko Txantxiku ikastolako irakaslea den Roberto Maiztegiren ahotan.  Ondo pasa!

Diruzaleak, matezaleak?

Ezagutuko duzue agian CIENCIA AL PIL-PIL bloga. Bertan, Raúl Ibañez matematikari eta dibulgatzaileak, noizean behin, buruketak proposatzen ditu. Hona azkena,

KONTUZ DIRUZORROEKIN!

 7 diruzorro dituzu eta 127 txanpon, guztiak euro batekoak. Nola banatu behar dituzu txanponak diruzorroetan 1€ eta 127€ bitarteko edozein kantitate ordaintzeko diruzorro osoak emanda egin behar baduzu, hau da, ezin baduzu zorro desberdineko dirurik hartu ?

Matematika beti koloretsua

Lau kolore nahikoa dira edozein mapa koloreztatzeko. Zinestezina ezta?  Ordenagailu batek frogatu du ez hain aspaldi eztabaida luzeak eragin dituen lau koloreen teorema.

Hiperbolak geogebrarekin

Geogebra programak hiperbola berriak eraikitzen lagunduko dizu.


y=1/x funtziotik abiatuta hiperbola desberdinak eraikiko dituzu.


1- Aldatu a-ren balioa, y= -1/x, y=3/x eta y=1/2x hiperbola berriak irudikatzeko.
2- Orain, aldatu b-ren balioa y=1/(1+x) eta y=1/(x-2) funtzioen grafikoak lortzeko.
3- c-ren balioa aldatuta, berriz, y=1/x +3 eta y= -4 +1/x funtzio berriak eraikiko dituzu.

Ikasleak institutuan

Hona maila desberdinen ehunekoa barra diagraman adierazita.

Ekuazioekin hasteko

Ekuazioak ebaztea berdintza beteko duen hizkiaren balioa aurkitzea da. Denetariko ekuazioak dituzu zerrendan: emaitzarik gabeak, emaitza bakarrekoak eta emaitza anitzekoak. Hasteko, galdetu iezaiozu zeure buruari zer balio izan behar duen x-ak berdintza egia izan dadin; ziurrenik gai izango zara paperik gabe asmatzeko. Ekuazioekin hasteko

BIDERKETAK eskutik eskura

Hona 6, 7, 8 eta 9 zenbakien arteko biderketak eskutik eskura.





1. urratsa: Eman hatzamar bakoitzari bere balioa irudian bezala 


2. urratsa: Erabaki zein biderketa egin behar duzun eta jarri hatzamarrak elkarrekin.



3. urratsa: Batu elkartuta dauden bi hatzamarrak eta horien azpian daudenak, gure adibidean 5, horiek hamarrekoak dira.

4. urratsa: Biderkatu esku batean eta bestean, lotutako hatzamarren goi aldean dauden
hatzamarrak, batekoak izango direnak. 3X2=6, gure kasuan.

8X7= 56